Renamo yatoa indhari kwa serikali ya Msumbiji

Chama cha Upinzani cha Renamo nchini Msimbiji kimetahadharisha kuwa, nchi hiyo inaweza kutumbukia  kwenye hatari ya kutokea vita vikubwa iwapo majeshi ya  serikali ya Maputo yataendelea kuusogelea mlima Gorongosa ambao ni maficho na ngome ya  Afonso Dhlakama kiongozi wa chama hicho cha upinzani.

Taarifa iliyotolewa na Chama cha Renamo inadai kuwa, majeshi ya serikali hivi sasa yanaelekea upande wa mlima Gorongosa  ulioko katikati mwa nchi hiyo kwa lengo la kushambulia maficho ya kiongozi wa chama hicho. Kabla ya hapo, Dhlakama aliitaka serikali ya Msimbiji kuandaa mazingira mazuri yatakayokiwezesha chama chake kushiriki kwenye chaguzi mbalimbali na kufanya kampeni kwa uhuru kamili kwenye maeneo tofauti nchini humo. Uchaguzi wa rais nchini Msumbiji umepangwa kufanyika tarehe 15 Oktoba mwaka huu.

Inafaa kuashiria hapa kuwa, Chama cha Renamo kilikubali kutia saini makubaliano ya amani na chama tawala cha Frelimo mwaka 1992 baada ya kupita miaka 16 ya mapigano ya ndani, lakini baadaye Dhlakama alidai kwamba, serikali imekuwa ikikiuka makubaliano hayo ya amani  na kusababisha kujitokeza machafuko ya mara kwa mara.

Renamo yatoa indhari kwa serikali ya Msumbiji

Chama cha Upinzani cha Renamo nchini Msimbiji kimetahadharisha kuwa, nchi hiyo inaweza kutumbukia  kwenye hatari ya kutokea vita vikubwa iwapo majeshi ya  serikali ya Maputo yataendelea kuusogelea mlima Gorongosa ambao ni maficho na ngome ya  Afonso Dhlakama kiongozi wa chama hicho cha upinzani.

Taarifa iliyotolewa na Chama cha Renamo inadai kuwa, majeshi ya serikali hivi sasa yanaelekea upande wa mlima Gorongosa  ulioko katikati mwa nchi hiyo kwa lengo la kushambulia maficho ya kiongozi wa chama hicho. Kabla ya hapo, Dhlakama aliitaka serikali ya Msimbiji kuandaa mazingira mazuri yatakayokiwezesha chama chake kushiriki kwenye chaguzi mbalimbali na kufanya kampeni kwa uhuru kamili kwenye maeneo tofauti nchini humo. Uchaguzi wa rais nchini Msumbiji umepangwa kufanyika tarehe 15 Oktoba mwaka huu.

Inafaa kuashiria hapa kuwa, Chama cha Renamo kilikubali kutia saini makubaliano ya amani na chama tawala cha Frelimo mwaka 1992 baada ya kupita miaka 16 ya mapigano ya ndani, lakini baadaye Dhlakama alidai kwamba, serikali imekuwa ikikiuka makubaliano hayo ya amani  na kusababisha kujitokeza machafuko ya mara kwa mara.

Olusegun Obasanjo kuzungumza na Boko Haram

Olusegun Obasanjo

Olusegun Obasanjo Rais wa zamani wa Nigeria ameanza juhudi za kufanya mazungumzo na shakhsia walio karibu na kundi la Boko Haram kwa lengo la  kuwakomboa wanafunzi wasichana wanaoshikiliwa mateka na kundi  hilo kwa zaidi ya siku arubaini  sasa. Vyombo vya habari vimetangaza leo kuwa, Obasanjo ameanzisha juhudi hizo ili kuzuia kufanyika operesheni za kijeshi ambazo huenda zikahatarisha maisha ya wanafunzi hao. Rais mstaafu wa Nigeria ameingiwa na wasiwasi na uamuzi wa serikali ya Abuja wa kuomba msaada kutoka madola ya kigeni katika operesheni ya kutaka kuwaokoa wanafunzi hao waliokamatwa mateka tokea mwezi uliopita. Wakati huohuo, duru za habari kutoka Nigeria zimeripoti kuwa, mmoja kati ya wanafunzi hao waliokamatwa mateka amefanikiwa kutoroka mikononi mwa wanamgambo wa Boko Haram na kusema kwamba, kati ya wanafunzi 280 wa shule ya Chibok waliokamatwa mateka, 50 kati yao walifanikiwa kutoroka. Hivi karibuni, Dakta Muhammad Javad Zarif Waziri wa Mambo ya Nchi za Nje wa Iran alilaani misimamo ya kundi lenye misimamo mikali la Boko Haram na kusisitiza kwamba, lengo la kundi hilo ni kuchafua taswira nzuri ya dini tukufu ya Kiislamu na kuyapatia mwanya madola ya kigeni kuingilia masuala ya ndani ya Nigeria.

Zaidi ya 60 wauawa katika miripuko ya mabomu Iraq

Zaidi ya watu 60 wameuawa na wengine wengi kujeruhiwa baada ya kutokea miripuko kadhaa ya mabomu nchini Iraq. Miripuko miwili ya kutegwa garini imetokea katika mji wa kaskazini mwa Iraq wa Mosul ambapo makumi ya watu wameuawa wakiwemo askari na wahudumu wa afya.

Halikadhalika miripuko kadhaa imelenga mji wa Tuz Khurmatu na kuuawa watu watano, wanne wakiwa wa familia moja.  Mripuko mwingine umetokea karibu na eneo la Kadhimiyah mjini Baghdad ambapo watu 16 wameuawa na wengine 50 kujeruhiwa.

Iraq imekuwa ikishuhudia wimbi la machafuko katika miaka ya hivi karibuni. Maafisa wa nchi hiyo wanasema kuwa, zaidi ya watu 1,000 wengi wao wakiwa raia wameuawa na wengine 1,400 kujeruhiwa katika machafuko yaliyojiri nchini humo mwezi uliopita wa Aprili.

Obama kuyapa misaada zaidi makundi ya kigaidi Syria

Rais Barack Obama wa Marekani amesema kuwa ataongeza misaada ya nchi yake kwa makundi ya kigaidi yanayoungwa mkono na nchi za kigeni kufanya mauaji dhidi ya maafisa wa serikali na wananchi Syria. Obama amesema hayo wakati aliopokuwa anahutubia chuo cha kijeshi cha Marekani huko New York. Amesema, atashirikiana na baraza la Congress la nchi hiyo kuongeza misaada kwa wanamgambo wa Syria.

Obama amesema hayo huku kukiripotiwa kuwa Washington ina mpango wa kuanza kuwapatia mafunzo ya kijeshi kwa siri wanamgambo hao katika kituo kimja cha kijeshi nchini Qatar kwa lengo la kwenda kuwashambulia askari wa serikali ya Syria. Kwa mujibu wa ripoti hiyo iliyochapishwa na Jarida la Wall Street Journal siku ya Jumanne, wanajeshi wa Marekani wana mpango wa kuwapa mafunzo wanamgambo wanaopigana dhidi ya serikali ya Damascus wanaojiita 'Jeshi la Ukombozi wa Syria.'

Jenerali Haftar aanza tena mashambulizi Benghazi

Jenerali wa zamani wa jeshi la Libya Khalifa Haftar ameanza tena mashambulizi ya anga dhidi ya mji wa Benghazi ambayo yamezilenga kambi za wanamgambo kwenye mji huo.

Imeripotiwa kuwa mashambulizi hayo yameratibiwa na kufanywa na askari watiifu kwa jenerali huyo walioasi jeshini.

Haftar alianza kuwashambulia wanamgambo katika mji huo wa Mashariki mwa Libya Mei 15 akisema kuwa, anataka kuwasambaratisha na kuimarisha usalama wa nchi hiyo.

Wakati huo huo watu wenye silaha wameshambulia kikosi cha Wizara ya Mambo ya Ndani kilichopewa jukumu la kulinda serikali ya nchi hiyo. Bunge limelaani shambulizi hilo na kusema kuwa jambo hilo halikubaliki.

Hamas yawaonya Wazayuni kuhusu msikiti wa al Aqsa

Harakati ya Mapambano ya Kiislamu ya Palestina (Hamas) imewaonya Wazayuni wasiendelee kufanya uchokozi na uharibifu katika msikiti wa al Aqsa. Izzat al Rashaq mjumbe wa ofisi ya kisiasa ya harakati hiyo sambamba na kulaani hatua ya Israel katika kujenga hekalu la Mayahudi karibu na msikiti mtukufu wa al Aqsa huko katika mji wa Quds unaokaliwa kwa mabavu amesema kuwa, njama za Israel za kujenga hekalu hilo hazipaswi kuwa sababu ya kufutwa athari za Kiislamu.

Al Rashaq ameongeza kuwa, njama za kila uchao za utawala wa Kizayuni za kujenga mahekalu ya kila aina pambizoni mwa msikiti wa al Aqsa, zinaonesha woga na kuchanganyikiwa utawala huo wakati inapogundua kuwa kila unachokifanya kinazidi kuthibitisha madai yake ya uongo kuhusiana na mji mtakatifu wa Baytul Muqddas.

Wakati huo huo Waziri wa waqfu na masuala ya kidini wa serikali halali ya Palestina huko Gaza pia amelaani njama za Israel dhidi ya Wapalestina na kusisitiza kuwa, lengo la Tel Aviv la kujenga hekalu ya Kiyahudi katika umbali wa mita 200 tu magharibi mwa msikiti mtukufu wa al Aqsa ni njama za kutaka kubadilisha muundo wa Kiislamu na Kiarabu wa mji wa Quds wenye kibla cha kwanza cha Waislamu

Al Sisi aongoza katika uchaguzi wa rais wa Misri

Baada ya kuhesabiwa kura za baadhi ya majimbo, matokeo yanaonesha kuwa mkuu wa jeshi wa zamani wa Misri Abdul Fattah al Sisi anaongoza katika uchaguzi wa rais wa nchi hiyo. Vyombo vya habari vya Misri vimeripoti kuwa al Sisi anaongoza kwa asilimia 93 ya kura akimuacha mbali mgombea wa mrengo wa kushoto Hamdeen Sabbahi.

Hata hivyo matokeo hayo si jambo la kustaajabisha katika uchaguzi huo ambao ulisusiwa na makundi mengi ya Misri, huku waliojitokeza kupiga kura wakiwa ni watu wachache sana hadi kuilazimisha serikali inayoungwa mkono na jeshi kuongeza siku zaidi ya uchaguzi kwa tamaa kwamba huenda watu wakajitokeza.

Hata baada ya hatua hiyo, duru za mahakama ya Misri zimeripoti kuwa, watu walijitokeza kwa asilimia 44.4 katika uchaguzi huo unaoonekana kuwa umefanyika ili kuhalalisha mapinduzi ya kijeshi yaliyofanywa dhidi ya rais halali iliyechaguliwa na wananchi, Muhammad Mursi.

Uchaguzi wa Malawi wageuka 'Sarakasi

'

Shughuli ya kuhesabu kura ilirejelewa katika baadhi ya maeneo ya nchi Jumatatu kutoka na makosa mengi

Uchaguzi mkuu wa Malawi umeendelea kubeba sura mpya ya sarakasi za mapingamizi ya kisheria, baada ya mahakama kuu ya Lilongwe kuamuru Tume ya uchaguzi nchini humo iendelee na mipango ya kazi zake bila kuingiliwa na mamlaka yeyote.

Uamuzi huo umetokana na ombi la chama cha Malawi Congress MCP kutaka mahakama hiyo izuwie amri ya Mahakama kuu ya Blantyre iliyo iamuru tume ya uchaguzi kuhesabu kura na kumtangaza mshindi ndani ya siku 8, likiwa ni ombi la chama cha DPP.

Taarifa zinazohusiana

• Malawi

Mwandishi wa BBC Baruan Muhuza aliye mjini Lilongwe anasema kuwa uamuzi huo sasa una maana kwamba MCP imeshinda kesi ambapo pamoja na mambo mengine wanataka kazi ya kuhesabu kura ianze upya nchi nzima jambo ambalo ndiyo maamuzi ya tume na vyama vyote vya siasa isipokuwa DPP.

Tume ya uchaguzi inakutana mjini Blantyre na itatoa taarifa baadaye kuhusu uamuzi uliochukuliwa na Mahakama Kuu hii leo.

Huku ikijulikana wazi kuwa kinachosubiriwa sasa ni ama kurudiwa kuhesabu kura za maeneo yenye mgogoro au kura zote za nchi nzima.

'DPP waja juu'

Rais Joyce Banda awali alitaka matokeo ya uchaguzi huo kufutiliwa mbali

Jumamosi mchana tume ya uchaguzi kwa pamoja na vyama vya siasa walikubaliana kurudia kuhesabu kura zote kutokana na kugundulika makosa mengi katika baadhi ya maeneo, huku DPP ikigomea hatua hiyo na kuamua kwenda mahakama kuu mjini Blantyre kuzuia mpango huo ikitaka zihesabiwe zile tu zinazotiliwa mashaka.

Jaji Lloyd Muhara wa mahakama hiyo alikubaliana na ombi la DPP jambo ambalo pia likazua upya mgogoro wa kisheria ambapo vyama vingine vikaungana kwa pamoja na wagombea binafsi kupeleka zuio kwenye mahakama kuu ya Lilongwe chini ya kundi la wanasheria zaidi ya 12 wa chama cha MCP.

'Wizi wa kura'

Vijana kwa wakongwe wote walijitokeza kushiriki uchaguzi huo ambao wadadis wanasema umegeuka sarakasi

Uchaguzi wa Malawi umekumbwa na wimbi la mivutano miongoni mwa vyama vikuu vya siasa vilivyo simamisha wagombea urais wa nchi hiyo.

Dalili za kujitokeza kwa matatizo zilianza mapema siku mbili baada ya uchaguzi ambapo baadhi ya vyama kikiwemo chama tawala Peoples Party cha Rais Dr Joyce Banda walilalamika kuwa kuna mchezo mchafu umefanyika katika shughuli nzima ya upigaji kura.

Siku chache zilizopita Rais Banda alitoa amari ya kuufuta uchaguzi huo na kuitisha uchaguzi mwingine baada ya siku 90 kwa madai ya wizi na ulaghai uliokumba uchaguzi, lakini Mahakama kuu ilisema hana mamlaka hayo.

Siku mbili baadaye tume ya uchaguzi MEC chini ya mwenyekiti wake Jaji Mackson Mbendera, ikatangaza kuwa ni kweli imegundua ubadhirifu katika baadhi ya maeneo na hivyo lazima kura zote zihesabiwe upya.

Kufikia sasa haijajulikana nini itakuwa hatma ya kura zilizopigwa na wananchi zaidi milioni saba wa nchi hiyo huku vyama vya DPP na MCP kila kimoja kikidai kuwa kilielekea kushinda uchaguzi huo.

Malawi;Matokeo ya uchaguzi ni Ijumaa

 

• Chapisha

Tume ya uchaguzi ya Malawi imesema itatangaza matokeo ya uchaguzi ijumaa.

Hatimaye tume ya uchaguzi nchini Malawi imesema itatangaza matokeo ya uchaguzi mkuu wa nchi hiyo kesho ijumaa.

Uamuzi huo unakuja baada ya mivutano na mapingamizi kadhaa kwenye mahakama kuu nchini humo.

Mwandishi wa BBC Baruan Muhuza ameeleza kutoka mji mkuu wa nchi hiyo Lilongwe kuwa sasa wananchi wa Malawi wameondolewa hofu ya kusubiri kwa muda mrefu matokeo ya kura za uchaguzi walioufanya juma lililopita.

Taarifa fupi iliyotolewa na tume ya uchaguzi jana usiku mjini Blantyre, imesema wameamua kutangaza matokeo hayo kwa kuzingatia sheria inayoibana kufanya hivyo ndani ya siku zisizozidi nane na ikiwa ni baada ya saa 48 tangu kumaliza hesabu ya kura.

Kwa siku mbili sasa kumekuwa na tuhuma za kuokotwa kwa baadhi ya masanduku ya kura, huku baadhi ya magari ya yakipatikana na masanduku ya kura na hata katika baadhi ya maeneo ambako ilielezwa kuwa kura zimehifadhiwa, usalama wake umesemwa kuwa mdogo.

Tume ya uchaguzi ya Malawi imesema itatangaza matokeo ya uchaguzi ijumaa.

Tangu jumatatu tume hiyo imekuwa ikisubiri uamuzi wa mahakama kuu mjini Blantyre wa kuiongeza muda wa angalau siku 30 kukamilisha jukumu ililopewa, hata hivyo mahakama yenyewe bado ina mashauri mengine iliyopokea kuhusu uchaguzi huu

Mmoja kati ya wananchi wa nchi hiyo aliyejitambulisha kwa jina la Malani Nyirenda, alielezea hisia zake alipozungumza na BBC mjini Lilongwe kutokana na suala la kuchelewa kutolewa matokeo na mpango wa kuhesabu upya kura za baadhi ya maeneo.

Tume hiyo imesema hadi kufikia sasa imepokea malalamiko 275 na imekwisha yafanyia kazi malalamiko 170 tu.

ULEVI KUPITA KIASI WAMDONDOSHA BARABARANI MREMBO HUYU

Na Andrew Carlos na Denis Mtima
Msichana mmoja aliyetajwa kwa jina la Halima aliyedaiwa kuwa ni mchumba wa mtu, hivi karibuni alipata aibu ya aina yake baada ya kukutwa amezimika barabarani.

Tukio hilo lilitokea juzikati maeneo ya Kijitonyama jijini Dar ambapo ilidaiwa kuwa, binti huyo akiwa amevalia kimini alishuka kwenye Bajaj na kwenda kwenye hoteli iliyopo maeneo hayo bila kujulikana alikotokea.

Akizungumzia tukio hilo, mmoja wa mashuhuda aliyejitambulisha kwa jina la Stella alisema: “Huyu dada namjua, ana mchumba wake waliwahi kufika dukani kwangu kufanya ‘shopping’. Leo asubuhi alikuja hapa na kuuliza kama atapata maziwa, alikuwa amevaa kihasara, wakati tunaendelea kuongea naye, akaanza kulegea na kuanguka.

“Hatukujua kilichomfanya akose nguvu ila alionekana kama kalewa ndipo tulipomchukua na kumsitiri kwa kanga, ni kama saa moja sasa limepita hajazinduka.”

Waandishi wetu walipofika eneo la tukio walimkuta binti huyo akiwa hajitambui na alipomwagiwa maji ya baridi alizinduka na kusema; “hapa niko wapi, nimeaibika!”Hata hivyo, wakati akijitahidi kuamka, alianguka tena na kuzimika hadi Polisi wa Kituo cha Mabatini walipofika na kumchukua kwenye gari lao aina ya Toyota Noah ambapo inadaiwa alipofika huko alizinduka tena na akawa chini ya uangalizi wa polisi kwa saa kadhaa.

UNDANI WA KIFO CHA MSANII RACHAL HAULE

Wakati tasnia ya filamu Bongo ikiwa katika majonzi ya kuondokewa na ‘dairekta’ na mwigizaji mkubwa, Adam Phillip Kuambiana (38), pigo lingine limetokea kwa wasanii hao kwa kuondokewa na kichwa kingine, Sheila Haule ‘Recho’ (26). Recho alikutwa na umauti Mei 26, mwaka huu katika Hospitali ya Taifa ya Muhimbili, Dar alipokuwa amelazwa baada ya kujifungua kwa oparesheni Mei 25, mwaka huu kwenye Hospitali ya Lugalo, Dar.

Staa katika tasnia ya filamu Bongo marehemu Rachel Haule ‘Recho’ enzi za uhai wake.

 KUJIFUNGUA
Kwa mujibu wa chanzo makini kilichokuwepo kwenye Hospitali ya Lugalo, Recho alikuwa akisumbuliwa na tatizo la presha ya kupanda, kisukari na kifafa cha mimba.
 Chanzo hicho kilieleza kuwa, kwa zaidi ya saa 23 tangu afikishwe hospitalini hapo, Recho aliteseka kwani madaktari walikuwa wakihangaika kuishusha presha ili kuweza kunusuru uhai wake hivyo staa huyo alipigania uhai wake kwa masikitiko makubwa.

 “Tulipomfikisha alifanyiwa vipimo, ikagundulika ana tatizo la presha na kisukari na hata alipojifungua alipata kifafa cha mimba ndipo hali ilipozidi kuwa mbaya,” kilisema chanzo hicho kilichoomba hifadhi ya jina.

 UTABIRI WA KUAMBIANA
Chanzo hicho kilizidi kueleza kuwa, pamoja na jitihada za madaktari kuhakikisha wanaokoa maisha ya mwigizaji huyo na mwanaye, walifanikiwa kumfanyia oparesheni, mtoto wa kiume akatoka salama lakini muda mchache baadaye alifariki dunia huku Recho akiwa katika hali mbaya.

 Kwenye gazeti la Amani lililopita toleo namba 814 la Mei 22, mwaka huu, kulikuwa na habari iliyomhusu Recho juu ya marehemu Kuambiana aliyemtabiria kuwa atajifungua mtoto wa kiume iliyokuwa na kichwa cha habari kilichosomeka: “Kuambiana alimtabiria mtoto Recho”.

Recho Haule akiwa kwenye pozi.

 Katika habari hiyo, Recho alieleza namna alivyokutana na Kuambiana na kumtabiria kuwa atajifungua mtoto wa kikume, kweli ikatimia kwani alijifungua mtoto huyo lakini bahati mbaya alifariki dunia hivyo kuacha huzuni kubwa.

 Utabiri huo ulipotimia Jumapili iliyopita, uliibua simanzi nzito kwa baadhi ya wasanii hasa baada ya mtoto kufariki dunia huku wengi wao wakikumbuka utabiri alioutoa Kuambiana.

 KUHAMISHIWA MUHIMBILI
Baada ya madaktari wa Lugalo kuona tatizo linazidi, Jumatatu iliyopita walilazimika kumhamisha Recho katika Hospitali ya Taifa ya Muhimbili ambapo alilazwa katika chumba cha wagonjwa mahututi (ICU).

 “Ilibidi apewe ‘transfer’ ya kwenda Muhimbili kwani hali yake haikuwa nzuri hasa baada ya kujifungua na kupata kifafa cha mimba, akalazwa ICU,” kilisema chanzo hicho.

 MADAKTARI WAMFICHA MCHUMBA’KE
Taarifa kutoka Muhimbili zilidai kwamba baada ya kuona umati wa wasanii wa Bongo Movies usiku hospitalini hapo, madaktari walilazimika kumficha mchumba wake, George Saguda pamoja na wasanii wengine kwani walitambua pigo walilolipata hivi karibuni kwa kuondokewa na mwigizaji Kuambiana.

 “Waliona watawaongezea majonzi kwa kuwapa taarifa za msiba hivyo wakalazimika kuwaficha hadi Jumanne asubuhi ndipo wakatoa taarifa za kifo,” alisema nesi mmoja wa Muhimbili bila kutaja jina.
 ODAMA ABAKI NA SIRI NZITO
Kwa mujibu wa mtu wa karibu wa Recho na shosti yake kipenzi, Jennifer Kyaka ‘Odama’ wawili hao walikuwa watu wa karibu mno.
Ilielezwa kwamba Recho na Odama walikuwa wakishirikiana kwa kila jambo hivyo atakuwa amebaki na siri nzito Recho.
 “Marehemu amemuachia siri nzito sana Odama, walikuwa wakishirikiana katika kila kitu na kutunziana siri nyingi nje ya kazi ya sanaa,” kilisema chanzo hicho.

 Recho alilelewa na bibi yake baada ya kufiwa na wazazi wake wote hivyo mipango ya kumsafirisha marehemu iliendelea kufanyika juzi Jumanne ambapo wasanii walitarajia kuchangisha shilingi milioni kumi kufanikisha shughuli ya kuaga, majeneza (mama na mtoto) na kusafarisha msiba kwenda nyumbani kwao Songea, leo Alhamisi.

 Mpaka Recho anapatwa na umauti, alikuwa akijulikana zaidi kwa jina la Rachel Haule lakini kwa mujibu wa mama yake mdogo ambaye jina halikupatikana, marehemu alibatizwa kwa jina la Sheila Haule.

Recho aliyezaliwa 1988, aliingia kwenye fani ya uigizaji mwaka 2009. Baadhi ya filamu alizocheza ni pamoja na Loreen, Unpredictable, Danger Zone, Men’s Day Out, Vanessa (yak wake mwenyewe  na nyingine. Fuata makala ukurasa wa 9. Sisi wote tu mavumbi, mavumbini tutarejea. Mungu ailaze roho ya marehemu mahali pema peponi. Amina.

SHEIKH PONDA AGOMA KWENDA MAHAKAMANI, ACHOSHWA NA TABIA YA KESI YAKE KUAHIRISHWA MARA KWA MARA

Kiongozi wa Taasisi ya Jumuiya za Kiislamu, Sheikh Ponda Issa Ponda, jana aligoma kufikishwa mahakamani kutoka mahabusu ya Gereza la Mkoa wa Morogoro, akidai kuchoshwa kuhairishwa kwa kesi yake kila anapofikishwa mahakamani.

 

Pamoja na kuchelewa kufikishwa mahakamani, kesi yake iliahirishwa tena hadi Juni 10 baada ya Hakimu Mkazi Mfawidhi, Mary Moyo kusema kuwa jalada bado halijarudishwa kutoka Mahakama Kuu, Kanda ya Dar es Salaam.

 

Wakili wa kiongozi huyo, Bathelomeo Tarimo alilalamikia hali hiyo na kutaka haki itendeke kwa mteja wake.

Akizungumza jana, Msajili wa Mahakama Kuu, Kanda ya Dar es Salaam, Projest Kahyoza alisema kuwa kukwama kwa faili la Sheikh Ponda ni kutokana na maombi namba 25 ya mwaka 2014 yanayosubiri kusikilizwa mahakamani hadi sasa. 

Msajili alisema kuwa maombi ya Sheikh Ponda ya kutaka kuharakisha usomaji wa rufaa ili utolewe uamuzi na kesi hiyo kumalizika au kuendelea, yatasikilizwa na Jaji Lawrence Kaduri, Juni 16.

Kwa upande wake, Wakili Tarimo alidai kuahirishwa kwa kesi hiyo kunatokana na kucheleweshwa kusomwa kwa rufani yake namba 89 ya mwaka 2013 aliyowasilisha Mahakama Kuu Septemba 14 mwaka 2013. 

Wakili Tarimo alidai kuwa, rufaa hiyo inahusu moja ya shtaka linalomkabili Sheikh Ponda lililotokana na uamuzi uliotolewa Mahakama ya Hakimu Mkazi Kisutu. 

Alidai kuwa majalada yote yanayohusu kesi ya Sheikh Ponda yapo Mahakama Kuu Kanda ya Dar es Salaam, lakini cha kushangaza kesi imekuwa ikiahirishwa katika Mahakama ya Mkoa wa Morogoro, jambo ambalo alidai kuwa limeanza kumtia wasiwasi mteja wake. 

Upande wa Jamhuri unaowakilishwa na Wakili Sunday Hyera uliiomba mahakama hiyo kuahirisha kesi na kupanga tarehe nyingine ya kutajwa wakati jalada halisi la kesi hiyo lililoitishwa na Mahakama Kuu Kanda ya Dar es Salaam, likiendelea kusubiriwa kuletwa kortini

INJINIA ANUSURIKA KUPATA KIPIGO KUTOKA KWA WANANCHI

INJINIA wa Halmashauri ya Wilaya ya Geita, Hamis Chande, amenusurika kupigwa na wananchi wa Kijiji cha Bugulula, wilayani Geita baada ya kwenda kuangalia msingi wa jengo la Mama na Mtoto linalodaiwa kujengwa chini ya kiwango.

Tukio hilo limetokea, wakati injinia huyo alipofika kijijini hapo akiwa na mafundi na vifaa  kama saruji na nondo kwa ajili ya kuendelea na ujenzi wa msingi huo ambao ni mbovu, huku wananchi wakitaka ubomolewe wote na uanze upya bila kujali fedha za kurudia watazipata wapi.

Wananchi walipomuona injinia huyo walikwenda eneo hilo, walipiga yowe wakitaka wananchi wakusanyike wapewe majibu ya kutosha kuhusu hatma ya msingi huo, lakini injinia huyo alikosa majibu, hali iliyosababisha wananchi waanze kumzonga wakitaka kumpiga wakidai naye ni wale wanaokula fedha za wananchi kwa kujinufaisha wao wenyewe.

Wakizumgumza kwa nyakati tofauti, wananchi hao walisema wao hawataki kurekebishwa kwa msingi, bali wanataka ubomolewe na urudiwe kujengwa upya kwani sh milioni 36 ni pesa nyingi  ambazo  wanadai zimejenga msingi huo.

Wakati vurugu hizo zikiendelea, walifika polisi kutoka Kituo Kikuu cha Wilaya ya Geita wakiwa katika gari PT 1166 na kumuamuru injinia kuondoka eneo hilo.

Mkurugenzi wa Halmashauri ya Wilaya ya Geita, Ali Kidwaka, alipoulizwa kwanini amemtuma injinia wake kwenda na mafundi wakati aliyetakiwa kwenda ni mkandarasi, alikana kumtuma injinia huyo na mafundi wala  kuzungumza chochote, bali alimtuma akakague na kurudisha majibu.

“Nashaanga kusikia kaenda na mafundi, lakini mimi kama mkurugenzi nasema msingi huo utabomolewa na kujengwa upya,” alisema.

SHEHE MKUU WA MKOA WA DAR AHAMASISHA WAUMINI KUCHANGIA DAMU

Na Peter Mwenda

WATANZANIA wametakiwa kujitokeza kuchangia damu kwa hiari bila kujali dini zao ili kuokoa maisha ya wajawazito na watoto.

Hayo yalisemwa na Shekhe Mkuu wa Mkoa wa Dar es Salaam, Shekhe Alhad Salum wakati akizingumza katika semina ya viongozi wa madhehebu ya dini na taasisi zinavyoweza kuhamasisha waumini wao kuchangiaji damu.

"Unapochangia damu unamsaidia mwanadamu mwenzio, hili halina dini wala imani ni watu wachache wanaojitolea kutoa damu kulingana na mahitaji ya wajawazito,watoto na wengine wanaohitaji kuongezewa damu" alisema Shekhe Alhad.

Mkurugenzi Msaidizi wa Tiba Asili na Tiba Mbadala Tanzania kutoka Wizara ya Afya na Ustawi wa Jamii, Dkt. Paulo Muhane alisema bado kuna changamoto kubwa ya uchangiaji wa damu kwa sababu kutoka serikali ianzishe mpango wa Damu Salama haijawahi kuvuka lengo la kukusanya chupa 400,000 kwa mwaka.

Alisema mpaka sasa Mpango wa Damu Salama unakusanya chupa 160,000 kwa mwaka na wengi wao wanachangia damu wanapokuwa na wagonjwa hospitalini hivyo aliwaomba viongozi wa kiroho kuwaelimisha waumini wao kuchangia damu kwa hiari.

Dkt.Muhame alisema uchangiaji damu kwa wingi kunakidhi mahitaji kwa vile unaokoa maisha ya wengi ambao wanakufa kwa kukosa damu.

Naye Askofu Dkt. Frederick Kigadye kutoka Baraza la Maaskofu Tanzania (TEC) aliwataka baadhi ya watumishi wa umma wanaouza damu hospitalini waache tabia hiyo kwani wanawakatisha tamaa wanaochangia.

"Damu ni uhai, binadamu tunaishi kutumia damu, ili watoto wakue tumboni wanahitaji damu,wajawazito wengi wanatoka damu nyingi wanapojifungua hivyo tuchangie damu kuokoa maisha yao"alisema Dkt. Kigadye. 

Mpango wa Damu Salama uliwaalika viongozi wa madhehebu mbalimbali ya dini,wakuu wa shule na taasisi binafsi  kujadiliana namna ya kuwaelimisha waumini wao kuchangia damu kwa hiari kuokoa jamii inayohitaji kuongezewa damu hospitalini.

Anti Lulu na Bwana Ake Mpya Wapigana Chini

Na Gladness Mallya
LILE penzi la msanii wa filamu na mtangazaji, Lulu Mathias na mchezaji mpira wa zamani, Amani limesambaratika baada ya hivi karibuni mwanaume huyo kuondoka na kilicho chake huku akimwacha mwanadada huyo ndani ya nyumba peke yake.

Chanzo chetu makini kilisema kuwa, tukio hilo lilitokea hivi karibuni huko Majohe walipokuwa wakiishi wawili hao ambapo mwanaume huyo aliamua kuondoka na kurudi nyumbani kwao na kumuacha Aunty Lulu ndani ya nyumba hiyo waliyokuwa wamepanga.

Baada ya kuzipata habari hizo, paparazi wetu alimtafuta Aunty Lulu, akafunguka:
“Ukweli mimi na Amani tumeachana kwani kipigo kimenizidi kila kukicha isitoshe ndugu zake hawanipendi, nimebaki peke yangu kwenye nyumba tuliyokuwa tumepanga huku Majohe na yeye ameondoka na vitu vyake vyote, amerudi kwao.”

Waziri Tibaijuka Hoi, Venessa Mdee Amsulubu Live Live

Adai anamiliki maelfu ya ardhi hapa nchini Wabunge wamshambulia, Makinda amuokoaCCM waitisha kikao cha dharura kumnusuru

MBUNGE wa Kawe, Halima Mdee (CHADEMA), amemlipua Waziri wa Ardhi, Nyumba na Maendeleo ya Makazi, Profesa Anna Tibaijuka, kwamba anamiliki maelfu ya ekari za ardhi katika maeneo mbalimbali nchini.

Mdee ambaye ni Msemaji wa Kambi Rasmi ya Upinzani Bungeni, alirusha kombora hilo jana bungeni wakati akisoma maoni ya kambi hiyo kwa Wizara ya Ardhi, Nyumba na Maendeleo ya Makazi kwa mwaka wa fedha 2014/2015.

Makombora hayo ya Mdee, yalimfanya Waziri Tibaijuka, kutumia muda mrefu zaidi kujibu mashambulizi badala ya hoja za wabunge wakati akihitimisha hoja yake.

Majibu hayo yalimfanya Spika wa Bunge, Anne Makinda, kila mara kumtaka Waziri Tibaijuka ajibu hoja za wabunge badala ya kujikita kumjibu Mdee, katika masuala yanayoonekana ni binafsi.

Waziri Tibaijuka, alisema kuwa Mdee amekuwa bingwa wa kuiba siri za serikali ikiwemo mwaka jana kuiba andiko la chuo kikuu na mwaka huu ameiba barua zake za siri alizomuandikia Waziri Mkuu.

Hoja za-Mdee

Mdee, alisema Waziri Tibaijuka ana maslahi makubwa katika sekta ya ardhi ambapo anamiliki kiasi kikubwa cha ardhi maeneo ya Kigamboni na Kagera Wilaya ya Muleba ambako katika eneo la Kyamnyorwa ana hekta 800.

Kwa mujibu wa Mdee, mjini Bukoba, waziri huyo mwenye dhamana ya ardhi, anadaiwa kumiliki ekari 100 alizozipata kiujanja.

Alisema eneo hilo alilipata kwa kuwahamisha wamiliki halali kwa nafasi yake ya ukurugenzi wa UN-Habitat na baadaye ya uwaziri wa ardhi.

“Mheshimiwa Spika, linapokuja suala la migogoro ya ardhi, Waziri Tibaijuka anakosa “moral authority” katika kuutafutia ufumbuzi wa haki. Hivyo basi, Kambi Rasmi ya Upinzani inaitaka serikali kuliangalia upya suala lolote la ardhi ambalo waziri atajiingiza kwani nyuma ya sakata hilo kuna maslahi binafsi yake kama hili la Chasimba, na Kigamboni,” alisema Mdee.

Mbunge huyo alifichua siri nyingine ya umiliki wa ardhi ya waziri huyo katika eneo la Kigamboni ambako kuna mradi mkubwa wa ujenzi wa mji mpya na wa kisasa.

Alisema katika eneo hilo, Waziri Tibaijuka, kwenye ekari 50,934 zilizoongezwa kwa ajili ya mradi wa ujenzi wa mji mpya wa Kigamboni, amejimegea maelfu ya ekari.

Alisema Waziri Tibaijuka aliongeza eneo la mradi kutoka hekta 6,494 zilizokuwepo awali hadi hekari 50,934.

“Hoja hapa ni je kati ya hekta zilizoongezwa 44,440, zinazomilikiwa binafsi na waziri ni ngapi? Hii haina siri, akikataa kusema wananchi wanaelewa ni ngapi, na hotuba ya mwaka kesho zitatajwa hapa bungeni,” alisema Mdee.

Alisema anaitaka serikali kuangalia upya mipango ambayo inatayarishwa na kusimamiwa na Waziri Tibaijuka na jinsi gani inatekelezwa kwa madai kuwa haaminiki tena.

Mdee alisema katika migogoro mingi ya ardhi, Waziri Tibaijuka amekuwa akitajwa kuhusika na katika mazingira hayo ni dhahiri kuna jambo limejificha, hivyo ni wakati mwafaka kuchukua hatua kabla ya majanga zaidi kutokea.

Mbunge huyo alimshambulia Tibaijuka, kwamba hawezi kusimamia wizara hiyo kwani hata kwenye nafasi aliyoachia Umoja wa Mataifa, aliondolewa kutokana na uwezo mdogo wa kufanya kazi.

Akizungumzia sarakasi za mradi wa Kigamboni, Mdee alisema mpango wa ujenzi wa mradi huo, umekuwa ukilalamikiwa sana na kutiliwa shaka na- wananchi wa eneo hilo.

Mbunge huyo alisema mpango huo ambao unaelezwa kuwa wa serikali, sio sahihi kwani umevalishwa koti tu la serikali.

Kwa mujibu wa Mdee, ukweli huo unathibitika kutokana na mvutano uliopo kati ya wananchi wa Kigamboni wakiongozwa na mbunge, Dk. Faustine Ndungulile na Waziri Tibaijuka kuhusu kukiukwa kwa sheria ya mipango miji.

“Huu ni udhaifu mkubwa kwa upande wa utawala kwani ndio kinakuwa chanzo cha mgogoro usiokwisha na kusababisha hata kama kuna nia njema basi dhamira ovu inaanza kujitokeza wazi mbele ya uso wa jamii,” alisema.

Mbunge huyo alisema katika kikao cha bajeti mwaka jana, Bunge lilitoa mwongozo wa kumaliza mgogoro kwa kuitaka serikali kupitia kwa Waziri Tibaijuka, kukaa na mbunge na wananchi kumaliza mtafaruku huo, lakini hadi sasa kikao hicho hakijawahi kufanyika.

Kibaya zaidi Mdee alisema wizara imeandaa Master Plan bila kuwashirikisha wananchi kupata maoni yao kama sheria ya mipango miji inavyotaka.

“Mheshimiwa Spika, kambi rasmi inauliza je hayo maoni ya mwanzo yalikusanywa lini? Kama yalikusanywa mbona wananchi wanalalamika? Tunamtaka waziri atoe majibu ya kueleweka,” alisema Mdee.

Mbunge huyo ambaye jana alikuwa mwiba kwa Waziri Tibaijuka, alihoji kama kuna uhalali wa kuendelea na mpango huu kabambe pamoja na wakala wa kuendeleza mji wa Kigamboni.

Mgogoro wa ardhi Chasimba

Akizungumzia mgogoro wa Chasimba, Mdee alisema kwa muda mrefu wananchi wa eneo hilo wamekuwa wakiitwa wavamizi.

Lakini alisema ukweli unabaki kuwa kuna siri kubwa sana iliyojificha ya namna Kiwanda cha Wazo Hill kwa kutumia viongozi wa kijiji wa kipindi kuuza ardhi ya wananchi wakiwa ndani, kisha kubadilisha mipaka na hatimaye kiwanda hicho kupewa hati kinyemela.

Kwa mujibu Mdee, mahakama iliamua- wananchi wahame, lakini pia iliiagiza serikali kwamba wajibu wake katika mgogoro huu ni kuwapatia makazi mbadala.

Alisema amri hiyo ilishindwa kutekelezwa kwa madai ya ukosefu wa fedha na eneo la kuwahamishia.

“Mheshimiwa Spika. hatimaye ‘inasemekana’ wizara ilipata ‘eneo’ la ekari 1,000 ukilinganisha na ekari 630 za eneo la Chasimba, mchakato ulisababisha kuitisha kikao cha wananchi, waziri na timu yake na mthamini mkuu wa serikali na timu yake, walifikia muafaka wa wananchi kufanya tahmini na kulipa fidia wote waliotathminiwa ambao jumla yao ni 4096,” alisema.

Mdee alisema wananchi hao waliahidiwa kulipwa sh 15,000 kwa mita moja ya mraba, pamoja na viwanja mbadala.

“Mheshimiwa Spika, lakini katika kile kilichoonekana kuna harufu ya wizi na rushwa, katika kikao kilichofanyika baa kikiwahusisha Waziri Tibaijuka, Diwani wa Kata ya Bunju, Mwenyekiti wa Mtaa wa Basihaya, pamoja na inayoitwa ‘Kamati ya Wananchi’, wWaziri alisema wananchi hawatalipwa tena sh 15,000 kwa Square Metre, bali watapewa 5,000 ya kifuta jasho,” alisema.

Mbunge huyo wa CHADEMA, alisema kilichofanyika baadaye, waziri na timu yake walianza kutumia vitisho na kuwataka wananchi wafungue akaunti na kujaza fomu zisizo hata na muhuri wala nembo ya wizara, zikiwataka waandike namba zao za akaunti na kwamba wangekutana na pesa zao huko huko.

Na zaidi ya hiyo, wananchi hao waliambiwa asilimia 10 ya pesa watakayolipwa itakwenda kwenye Saccos, ambayo haijulikani ni ya nani, imeundwa lini na kwa madhumuni gani.

“Mheshimiwa Spika, mpaka sasa waziri akiulizwa tutajazaje fomu na kuandika akaunti ili tuingiziwe pesa ambazo hata hatujui ni kiasi gani, anajibu utakachokikuta hata kama ni 200 ndio halali yako,” alisema Mdee.

Dalili za wizi

Kwa mujibu wa nyaraka- ambazo kambi ya upinzani inazo, Mdee alisema kaya 4,096 zilizofanyiwa tathmini, kwa kiwango cha sh 15,000 kwa mita moja ya mraba, fedha iliyotakiwa kulipwa ni sh 47,368,357,520/-.

Alisema hiyo inathibitishwa kwa barua ya tarehe 8/11/2013, yenye kumbukumbu namba CBA 171/312/01 kutoka kwa Waziri Tibaijuka kwenda kwa Waziri Mkuu Mizengo Pinda.

Alisema katika barua husika, pamoja na mambo mengine anampa taarifa waziri mkuu juu ya uhitaji wa sh 69,051,215,426 kama hitaji la fedha kwa zoezi zima la kulipa fidia kutwaa eneo la makazi mbadala, kulipanga eneo jipya kimipango miji, kupima viwanja na kuweka miundombinu ya msingi hususan barabara, maji, shule ya msingi, dispensari.

Mdee alisema kitendo kinachofanywa na waziri pamoja na uongozi wa Kiwanda cha saruji cha Wazo kumlazimisha Waziri Mkuu akubali deal hiyo ifanyike haraka, inatia shaka kwani huenda Waziri Tibaijuka atafaidika na mpango huo.

Mdee alisema kwa mujibu wa tathmini, kaya zilizofanyiwa tathmini, na kutakiwa kupewa viwanja mbadala ni 4,096, lakini wizara inataka kuvilipia viwanja 4,500 na vilivyosalia 404 vya ziada havijulikani ni mali ya nani.

Taasisi yenye mahusiano na Tibaijuka

Mdee, alizidi kumkaba koo Waziri Tibaijuka kwamba ana mahusiano na taasisi ya Tanzania Women Land Acces Trust- (TAWLAT) ambayo imo katika mchakato huu tata.

Alisema kuwa ushahidi unaonyesha kuwa waziri alikishauri kiwanda kuingia mkataba na taasisi hiyo ya TAWLAT kutoa elimu na kuendesha mazungumzo na viongozi na wananchi wa Chasimba juu ya mgogoro wao.

Kutokana na mazingira hayo, Mdee alisema kuwa Kambi Rasmi ya Upinzani Bungeni ina shaka juu ya ushiriki wa shirika hilo katika mgogoro wa Chasimba pamoja na kazi nyingine za wizara.

Alisema kwenye mgogoro huo wa Chasimba, taasisi hiyo ililipwa sh milioni 300 na milioni nyingine 300 zilizotolewa na Halmashauri ya Kinondoni.

“Mheshimiwa Spika, kwa maelezo ya Waziri Tibaijuka, katika kazi hiyo taasisi hiyo ililipwa sh milioni 300 na katika mchanganuo niliouainisha hapo awali, wangelipwa sh milioni 500 kwa kazi hiyo. Nikiwa kama mbunge wa jimbo husika, nikuhakikishie kwamba hiyo taasisi haikufanya kazi yoyote,” alisema.

Mdee alisema kazi ya uthamini ilifanikiwa baada ya aliyekuwa Mkurugenzi wa Upimaji na Ramani na timu toka Wizara ya Ardhi kuja ofisini kwake kumuomba awasaidie kutuliza upepo kwani wananchi walikuwa wakiwarushia mawe.

“Mheshimiwa Spika, ilituchukua mikutano mikubwa si pungufu ya sita mimi nikiwa msemaji mkuu kuwaelimisha wananchi nia ya tathmini huku wakubwa hawa wakiwahahakikishia kwamba watalipwa 15,000 kwa square metre na kupewa maeneo mbadala. Hakukuwa na cha TAWLAT, wala Waziri Tibaijuka,” alisema.

Kutokana na sarakasi hizo, Mdee alisema kambi ya upinzani inaitaka Takukuru kufanya uchunguzi wa ushiriki wa TAWLAT kuhusu ushiriki wake wa shaka katika kazi kadhaa za Wizara ya Ardhi na wasipofanya hivyo, watawasilisha hoja binafsi- kuhusu sakata hili.

CCM wakutana ghafla

Katika hatua inayohusishwa na ugumu wa bajeti ya wizara hiyo, wabunge wa CCM walikutana ghafla ambapo pamoja na mambo mengine walijadili mwelekeo wa bajeti ya wizara hiyo.

Karibu wabunge wote waliochangia bila kujali itikadi, waliishambulia bajeti ya wizara hiyo na kutishia kuondoa shilingi.

Mbali ya wabunge wa CCM kutishia kuondoa shilingi, mawaziri wengi hawakuwemo wakati Waziri Tibaijuka anasoma bajeti yake na taarifa zinadai kuwa wamemsusia kwa vile amekuwa hashiriki kwenye bajeti za wizara nyingine kwa namna yoyote ile.

Mmoja wa wabunge wa CCM, aliliambia gazeti hili kuwa chama kimeweka msimamo wa kumnusuru Waziri Tibaijuka.